Connect with us

KANUN LABARAI

Ganduje zai sanya ranar Mukabala da Abduljabbar Kabara

Published

on

Abuljabbar, Gnduje
Share

Mukhtar Yahya Usman

A yau Litinin ne ake sa ran za a mikawa gwamnan Kano Abdullahi Umar Ganduje rahoton kwamitin da aka kafa da zai shirya mukabala tsakanin Malam Abduljabbar Kabara da sauran Malam jihar Kano.

Kano Focus ta ruwaito kwamishinan al’amuran addinai na jihar Kano dakta Tahar Adamu Baba Impossible ya sanar da hakan a yau Litinin.

Baba Impossible ya ce mutane basu fahinci sakon da aka fitar tun da fari ba, inda ya ce dama can gwamnati bata ce za a gudanar da mukabalar cikin makonni biyu masu zuwa ba.

Ya ce gwamnan Kano ya baiwa kwamitin da aka kafa ne mako biyu ya mika rahotonsa.

A cewarsa yanzu kuma kwamitin ya kammala aikinsa a yau Litinin, kuma zai mika rahoton ga gwamnan Kano Abdullahi Umar Ganduje.

Haka zalika ana sa ran da zarar Gandujen ya nazarci rahoton zai sanya ranar da za a zauna domin gudanar da mukabalar.

“Ai ba cewa aka yi a mako biyu za a yi mukabala ba, cewa akayi gwamnati ta ce a je a shirya cikin mako biyu a zomata da rahoto.

“Duk kwamitin da aka kafa sun kammala rahotonsu za kuma a mikawa mai girma gwamnan ranar Litinin.

“Bayan gwamna yayi studying din rahoto ya kammala zai sa ranar da za a yi.

“Amma su malamin a bangarensu shirinsu za su yi, ba shirin gwamnati ba ne.

“Amma shirin gwamnati kwamitoci sun zazzauna da wadanda za a gayyato daga wajen Kano an fadesu, da wadanda za a gayyato na ciki gida an gayyacesu, da jami’a tsaro da waye duk an gama an kammala.

“Yanzu sai mu saurari abinda gwamnati za ta ce, ita take da ikon sa rana, dama bata ce yau za a yi mukabalaba, ta ce ta bada mako biyu a shirya.

Game da kiraye-kirayen da wasu malamai ke yi na cewa bai kamaya a yi mukabalarba.

Babba Impossible ya ce ko kadan ba za su saurari korafin malaman ba, za su ci gaba da shirinsu na ganin anyi mukabalar.

Haka zalika ya ce malamai sun kawo karafin Abduljabbar, shi kuma ya nemi ayi masa adalci, don haka gwamnati za ta baiwa kowanne bangare hakkinsa.

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

KANUN LABARAI

A harbe duk wanda aka gani da bindiga kirar AK47-Muhammadu Buhari

Published

on

Muhammadu Buhari
Share

Mukhtar Yahya Usman

Shugaban kasa Muhammadu Buhari ya bada umarnin harbe duk wanda aka gani da wasu muggan makamai musamman ma bindiga kirar AK47 mutukar ba jami’in tsaro ba ne.

Kano Focus ta ruwaito cewar jami’in yada labaran shugaban kasar Malam Garba Sehu ne ya bayyana hakan ya yin da ya ke ztawa da sahsin hausa na BBC ranar Laraba.

Garaba Shehu ya ce shugaban kasar ya kuma bada umarnin a ragargaza dukkanin ‘yan ta’addan da suka ki su mika wuya.

Umarnin na shugaban kasa na zuwa ne jima kadan bayan da gwamnoni shida na yankin Arewa suka gudanar da wani taron yadda za su magance matsalar tsaro a jihohinsu.

Haka kuma gwamnonin sun bukaci fito da sabbin dabarun yaki da ga sojojin kasar nan domin dawo da zaman lafiya a yankunann da riki ya di-daita.

Continue Reading

KANUN LABARAI

Ya zama dole a mayar da hankali kan bincikar kasafin kananan hukumomi-Kungiya

Published

on

Share

Aminu Abdulllahi

Wata kungiya mai suna Say No Campaign ta soki yadda al’umma ke mayar da hankalinsu kacokan kan gwamnatin tarayya kan al’amurn  da suka shafi raya kasa.

Kano Focus ta ruwaito shugaban kungiyar Ezenwa Nwagwu ne ya bayyana haka yayin tattaunawa kan yadda al’umma za su bibiyi kasafin kudin kananan hukumomi a ranar Laraba a Kano.

Ya ce kananan hukumomi ma na yin kasafin kudi duk shekara, domim gudanar da ayyukansu, amma al’umma basu damu da bibiyar me suke yi ba.

“Suna maida hankali ne akan gwamnatin tarayya maimakon ayyukan da gwamnatocin su na jiha ko kannan hukumomi ya kamata suyi.

Bama sanya ido akan kananan hukumomi koda ace asusunsu a hade yake dana jihohi amma ana turo musu kudi da za su yiwa al’umma aiki.

“Kuma kudin da yake zuwar musu naku ne ba na aljihun su ba,” a cewar sa.

Ya kara da cewa rashin sanya ido akan kasafin kudin kananan hukumomi da al’umma ke yi yasa shugabannin ke karkatar da kudaden da aka ware don yin ayyuka.

Ya ce dokar ‘yancin samun bayanai ta 2011 ta kasa bata ta’allakaba ga kafafen yada labarai kawai.

Ya ce kowanne dan kasa yana da ikon neman bayani kan wani aiki da ya shafe shi daga gurin gwamnati.

Ya kuma ce matukar al’umma suka hada kansu tare da bibiyar yadda gwamnatoci da ke kusa da su suke kashe kudaden al’umma  shakka babu za a samu raguwar cin hanci da rashawa.

Continue Reading

Trending