Connect with us

KANUN LABARAI

Watanni 10 ba karatu, daliban Jami’ar Bayero sun sake fadawa hadarin yajin aiki

Published

on

Share

Aminu Abdullahi

Harkokin karatu sun fara samun tasgaro a jami’ar Bayero dake jihar Kano sakamakon yajin aikin kungiyar ma’aikatan jami’o’i da ba malamai ba wato SSANU da NASU.

A zagayen da Kano Focus tayi a cikin jami’ar ta gano yadda ma’aikatan suka kulle wasu daga cikin ajujuwan karatu dake makarantar da kuma katse wutar lantarki.

Haka zalika ma’aikatan jami’ar sun tsaida duk wasu aikace aikace da suka shafi al’amuran dalibai da motocin makaranta dake jigilar dalibai.

Wasu dalibai da suka bayyana alhinin su bisa matakin da kungiyar ma’aikatan jami’o’in ta dauka sunce wanan wata hanyace da za ta haifar musu da matsala a karatun su.

Wani dalibi mai suna Abdullahi Haruna da ke sashen nazarin Kwamfuta ya ce kulle ajujuwan ba zai basu damar yin karatu ba saboda masu  yajin aikin ne ke da mukullayen ajujuwan.

Ya kara da cewa kamata ya yi a ce ajujuwan na bude tun daga karfe takwas na safe amma har zuwa yamma ba a bude musu koda a ji daya ba.

“Gashi muna gab da fara jarabawa kaga idan har aka cigaba da tafiya a haka bama samun damar yin lecture zamu samu matsala babba,” a cewar sa.

Wata daliba Maryam Sulaiman ta ce ko a daren ranar Litinin cikin duhu suka kwana a gidajen dalibai dake makarantar sakamakon kashe musu wuta da ma’aikatan su kayi.

Ta ce wasu guraren ma kananan inji suka kunna domin su samu haske da damar yin karatu.

“Kamar mu da muke kwana a gidajen dalibai dole za mu shiga matsala sosai muna fata za su duba halin da muke ciki su janye wannan yajin aiki da suke yi,” inji ta.

Abdulmalik Umar ya ce yajin aikin yajanyo kazanta ta yawaita a cikin makarantar sakamakon rashin yin shara.

“Sannan duk an bata bandakuna ba a sharesu a iya kwana hudun nan da akayi wani bandakin ma sai ya saka amai.

“Suma suna da muhimmanci sosai don idan ba tare da su ba abubuwa ba za su tafi yadda ya kamata ba.

“Sune suke share ko ina da bandaki da guraren kwanan dalibai,” a cewar sa.

Sai dai da aka tuntubi kungiyoyin da ke yajin aikin sunce ba gudu ba ja da baya a yajin aikin da suke yi, har sai an biya musu bukatunsu.

Shugaban kwamitin hadakar kungiyoyin ma’aikatan jami’ar Haruna Aliyu ya ce a watan Oktoban shekarar da ta gabata sun zauna da gwamnati inda suka kulla alkawaruruka da suka shafi rashin daidaito a bangaren albashi na IPPS.

Ya ce sun  kuma kulla  alkawari kan yarjejeniya akan rashin biyan ma’aikata da suka kammala aiki hakkokin su da kuma biyan ma’aikatan jami’a karin albashin da gwamnatin tarayya tayi musu.

Ya kara da cewa sun kashe wutar jami’ar gaba daya tun daga tushe dake baiwa makarantar wuta da kuma dakatar da ma’aikatan su dake asibitocin makarantar da sauran muhimman gurare.

“A ranar Alhamis za a sake zama kuma muna kan tattaunawa don sake daukar mataki na gaba,” a cewar sa.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending