Connect with us

KANUN LABARAI

Gwamnati ta fara gididdiba gidan rediyon Kano

Published

on

Share

Aminu Abdullahi

Gwamnatin Kano ta fara aiwatar da shirinta na yanka filaye a cikin gidan rediyo manona da ke unguwar tukuntawa da ke karamar hukumar Birni da ya shafe sama da shekaru 40.

Kano Focus ta ruwaito wannan na nuna cewa mutane sama da 1000 za su rasa sana’arsu da sukeyi a gidan

Al’umma da dama ne ke gudanar da sana’ar noman lambu a cikin gidan radiyon, inda kuma aka basu wa’adin tashi kafin shukarsu ta nuna.

An rushe dakunan yada labarai

A binciken da Kano Focus ta gudanar ta gano yadda aka rushe dakin watsa labarai dake cikin gidan rediyon, tare da sauke doguwar area dake watsa labarai.

Haka zalika an fara fitar da filotai a filin gurin wanda wata majiya tace za a fitar da filotai guda dari shida tare da fara rushe wani bangare na katangar da ta kewaye gidan rediyon.

Munyi asarar shukarmu

Danlami Muntari mai shekaru 55 ya ce da suna jin jita-jitar za a tashe su amma yanzu suka gasgata.

Ya ce masu aikin gurin sun basu sati biyu ne kawai su tashi, ya yin da galibi daga cikin masu shuka a wurin, sai nan da wata uku amfaninsu zai nuna.

Ya kara da cewa tun yana yaro karami ake zuwa dashi noman lambu a cikin gidan rediyon, har ya girma shima ya fara sana’ar ta lambu sai gashi rana tsaka za a tashe su, ba tare da sanin makomar su ba.

“A zahirin gaskiya ba wata sana’a da nasani fiye da wannan,  kuma irina suna da yawa.

“Amma ba wani shiri da akayi na sauya mana wani wurin, kuma mun shigar da korafinmu, amma har yanzu shiru kakeji, sai muyi addu’a allah ya yi mana zabi nagari.

“Ko da ba za a sauya mana wani gurin ba, yakamata a cikin fulotan muma a sanmana wasu wuraren a ciki,” a cewar sa.

Ba a sanarda mu za a yanka filaye ba

Adamu Sule mai shekaru 80 da ya shafe shekaru 60 yana sana’ar lambu ya ce ba wata sanarwa da suka samu, kawai dai sun wayi gari sunga ana aiki a cikin gidan rediyon.

“A nan nake yini, kullum da safe idan nafito nan nake zuwa inayin aikin lambu, kaga yanzu sai dai na koma gida tunda babu abinda na iya inba aikin lambu ba,” inji Adamu.

Gadon iyayenmu ne za a kwace

Dauda Balarabe dan shekara 40 ya ce sun kafa kwamiti da suka je gidan Gali Umar Na’abba don mika korafinsu, har yanzu ba wani abu da aka yi musu.

Ya kara da cewa shekara da shekaru suna samun na cin abinci a gurin, amma rana tsaka ance sutashi, wanda a yanzu basu san makomar suba.

Wani mai suna Garba Bala mai shekaru 65 ya ce sun gaji filayen gidan rediyonne a gurin kakanninsu, don kuwa shima a wancan lokacin naira dari shida ya siyi nasa filin a ciki.

Ya ce kaso 90% na mutanen da ke sana’a a wurin basu da madogara matukar aka tashesu batare da an sauya musu wani wurin ko an tallafa musu ba.

Amayarda wurin makabarta

Saidai kuma wasu daga cikin al’ummar dake yankin gidan rediyon sun bayyana mabanbanta ra’ayoyi kan matakin rushe gidan rediyon.

Sulaiman Kabiru ya ce fatansu ga gwamnati shi ne ta samar musu da makabarta a cikin fulotan da zata yanka a gurin.

A cewarasu al’umma gidan maza da sabuwar gandu na fama da rashin makabarta.

“Munyi maraba gaskiya da tashin wannan guri da za ayi, sai dai muna so gwamnati ta yiwa al’ummar wannan unguwa wani abu da zasu amfana,” a cewar sa.

Muhsin Lawan ya ce sau tari idan batagari suka yi sata da zarar sun haura gidan shikenan sun sha.

Sai dai ya ce yana fatan gwamnati za ta  tallafawa wadanda suka dauki shekaru masu yawa suna neman abinci a wurin, tare da samarwa al’ummar yankin makaranta.

“Gaskiya bana goyan bayan yanka filaye a wannan wuri duba da yadda gurin ke daya daga cikin gurararen da a jihar Kano ke samar da kayan lambu.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending