Connect with us

KANUN LABARAI

An kafa kotunan sauraron korafin zaben kananan hukumomi a Kano

Published

on

Share

Aminu Abdullahi

Babban jojin jihar Kano Sagir Umar ya kaddamar da kotuna tare da rantsar da alkalan da zasu saurari korafe-korafen zabukan kannan hukumomi da aka gudanar a nan Kano.

Kano Focus ta ruwaito cewa Sagir Umar ya rantsar da alkalan ne a ranar Talata a nan Kano.

Ya ce an kafa kotunan ne bisa dogaro da sashe na 36 sakin layi na 1 na kundin zabukan kananan hukumomin jihar Kano na shekarar 2000 da ya baiwa babban joji ikon kafa kotunan sauraron karar rakin zaben kananan hukumomi.

Cikin wadanda aka rantsar akwai mai shari’a Muhammad M Jibril a matsayin wanda zai jagoranci kotu ta daya, da za ta saurari korafe-korafen zabe.

Sai kuma mambobinsa da suka hadar da Mahmud  Shirima da Barista Abubakar Idris Sadiq.

Sai mai shari’a Rakiya Lami Sani da za ta jagoranci kotu ta biyu, inda Kabiru Abubakar da Fatima Isma’il za su kasance a matsayin mambobin kotun.

Haka zalika an rantsar da mai shari’a Ibrahim Musa Karaye a matsayin wanda zai jagoranci kotun daukaka karar zaben, da mai shari’a Jamilu Shehu Sulaiman da kuma Maryam Ahmad Sabo a matsayin mambobin kotun daukaka karar.

Covid-19: Ganduje ya rufe gidajen kallo da na biki

NLC ta ja kunnen Ganduje kan zabtare albashin ma’aikata

Ganduje ya zaluncemu miliyan 80 a albashin Nuwamba da Disamba-ma’aikatan kotu

Mai shari’a Sagir Umar ya hori wadanda aka rantsar da su kasance masu gaskiya da tsoron Allah yayin tafiyar da ayyukan su.

Haka zalika ya ce kotunan na da damar yanke hukuncine cikin kwanaki sittin daga sanda aka gabatar da kara a gabansu, kuma kowane lokaci daga yanzu za su fara aiki.

Ya kara da cewa tun kafin a gudanar da zabe aka kafa ofishin shigar da korafi kamar yadda doka ta tanada.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending