Connect with us

KANUN LABARAI

Shin ya kamata a fara siyarwa da jama’a wurin da za su binne matattunsu

Published

on

Share

Aminu Abdullahi

Biyo bayan karancin da ake samu na wuraren binnen mutane a makabartun da ke jihar nan al’umma na kiraye-kiraye mayarda makabartu tsarin kasuwanci.

A zantawar Kano Focus da wasu daga cikin jama’ar Kano, sun ce  ana samun karancin mawadatan da ke iya siyan filaye su kuma bayar sadaka domin a dinga binne jama’a.

Hakan ta sanya da wuya a je binnen mutuma a makabarta a tarar wurin da za a binne shi ba wuri ne da aka taba binne wani ba.

Hakan ta sanya masu kiraye-kirayen ke cewa ya kamata a fara yanka fili na siyarwa domin binne mutane.

Haka zalika bincike ya nuna cewa ba safai gwamnatin ke samar da filaye domin yin makabartu ba.

Idan gwamnatin ta samar a wasu lokutan za a iske dillalai sun sayar.

Abiya dubu goma don binne mamaci

Mukhtar Muhammad Adam mazaunin unguwar Dorayi ne, ya ce kamata ya yi mawadata su rinka siyan fili suna daukar ma’aikata da za su kula da shi ta yadda duk wanda ya zo binne mamaci zai biya kudi.

Ya ce idan har a ka samu wadanda za su rinka siyan fili su gina famfon tuka tuka da biyan ma’aikata to hakan zai sa a dena samun matsalar karancin makabartu da ake fuskan ta a jihar.

“A kalla a ce naira dubu goma za a biya ga kowane mutum da za a binne inaga hakan zai rage matsalar rashin aikin yi da ake fama dashi.

“Idan wani ya yi aka ga ana samun kudi to da yawan mutane za su rinka siyan filaye kuma za a samu yawaitar makabartun,” a cewar sa.

Aliyu Muhammad Ali dake unguwar gidan Zoo cewa ya yi matsala ce babba yadda ake samun makabartu na cika, ba kuma tare da samun sababbi ba.

Ya ce abin takaici ne yadda a yanzu ake samun karancin masu bada makabarta sadaka a cikin al’umma.

Ya kara da cewa tun da dai ana cikin matsalar tsadar rayuwa ta yadda wasu ke kyashin bayar da kyauta to maida tsarin kasuwanci shine mafita.

Sayar da fili dan binne mamata matsala ne

Murtala Mustapha mazaunin hotoro ya ce ana yawan mace -mace kuma makabartun da ake da su sunyi kadan duba da yawan al’ummar jihar Kano.

Ya kara da cewa da yawan gina masallatai da mawadata ke yi kamata ya yi su maida hankali wajen Samar da makabartu duba da cewa masalllatan da ake dasu sunyi yawa.

“Ni bana goyan bayan maida makabartu harkar kasuwanci ,don hakan ba tsari bane kuma mu musulmai an sammu da sadaukar wa.

“A kwai matsala babba matukar aka wayi gari a jihar nan akace sai mutum ya biya kudi zai binne dan uwan sa,” a cewar sa.

Muhammad Dauda a unguwar Hotoro cewa ya yi laifin gwamnati ne na rashin tilastawa masu fitar da filaye a sabbin unguwanni samar da makabarta.

“Mutum ne zai yanka filoti fiye da tamanin ko dari amma ba zai yi adalci ya fitar da filin makabarta ba sai yaga dama ma zai fitar da dan karamin guri a matsayin masallaci.

“Kamatà ya yi gwamnati ta rinka bi duk inda ake fitar da sabbin gurare a ce ana fitar da makabartu,” a cewar sa.

Ke meneni ra’ayin malamai?

Wani malamin addinin musulunci mai suna Ibrahim Siraj Adhama ya ce tun asali al’umma ke samarwa kansu makabartu a cikin birane.

Ya kara da cewa matsalar karancin makabartun tafi yawa ne a cikin birni ba kamar kauyuka ba da mafi akasari suke binne ‘yan uwansu da suka rasu a bayan gidajen su ko wani bangare na gidajen nasu kuma mafi yawa gonakin sune.

Ya ce akwai manyan makabartu a jihar Kano da za su wadaci al’ummar da ake dasu matukar za a gyara tsarin yadda ake binne mamata.

“Makabartar Bakiya dake kusa da masallacin Annabi S.A.W a Madani ana binne mutane a ciki tun Ma’aiki S.A.W yana raye gashi har yanzu.

“Saboda tsarin da suke amfani dashi ba irin namu bane ba a baiwa mamaci gurin zama na dindin din.

“Idan ka cire Sahabbai da sauran manyan mutane duk wanda aka binne ya samu shekaru fatar ta zama kasa sauran kasusuwan tattare su akeyi sai ayi rami daga gefe a binne.

“Gurin kuma sai a sake binne wasu mutanen a ciki amma mu makabartun mu basu kai wadan nan shekarun ba amma ana cewa sun cika,” a cewar sa.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending