Connect with us

KANUN LABARAI

Uwa da ‘ya’yanta biyu sun kashe matashi a Kano

Published

on

Share

Aminu Abdullahi

Iyayen wani matashi a karamar hukumar Wudil mai suna Yusuf Baba na zargin wata mata mai suna Hafsat Ahmad da ‘ya’yanta biyu da kashe musu dansu na.

Kano Focus ta ruwaito cewa matashin da aka kashe Yusuf Baba yaje gidan Hafsat Ahmad ne don ya karbi kayan sa da yake zargin dan ta mai suna Auwalu Ahmad da sace masa.

Zuwan sa ke da wuya ne kuma Hafsat Ahmad da ‘ya’yanta Auwalu Ahmad da Sabuwa Ahmad suka rufe shi da duka wanda hakan ya kai ga yi masa jina jina.

Abdullahi Baba mahaifi ga mamacin ya ce makwabtan shagon dan sa ne suka gaya masa wanda ya yi masa sata a shagosa.

Hakan ta sanya ya garzaya gidan don meman hakkinsa, inda shugarsa ke da wuya ya yi ido biyu da kayan nasa.

Ya kara da cewa bayan da ya nemi a abashi kayanne sai matar da ‘ya’yanta suka rufe dan nasa da duka wanda yayi sanadiyar mutuwar sa.

A cewarsa bayan da suka kai shi asibiti ne, likitoci suka tabbatar da cewa tuni ya mutu.

Malam Abdullahi ya ce ba wannanne karon farko da Auwalu yake satarwa dan nasa kaya a shago ba, amma ake sulhuntawa.

Da yake amsa tambayoyin ‘yan jarida wanda ake zargi da yin kisan Auwal Ahmad ya ce yana daki ne ne marigayin yazo ya balle masa kofa da nufin neman kayansa.

A cewarsa ya fara futo da wasu daga cikin kayan ne kuma sai rigima ta barke a tsakanin su.

“Sun babballe muna kayan dakinmu tare da dukan ya yata da hakan yasa ya na dauki katako na doke shi.” A cewarsa

Itama Sabuwa Ahmad da ge zaman ya ya ga barawon ta ce sun zage ta ne da hakan yasa ta rama tare da kai musu duka.

Sai dai mahaifiya ga wanda ake zarigin Hafsat Ahmad ta ce lokacin da ‘ya’yan nata suka fara fada da marigayin gida ta koma saboda tasan dan nata ne ya satar masa kaya.

Zanga-zanga ta barke bayan da aka zargi jami’an ‘yan sanda da kisan matashi a Kano

Barayin waya sun yiwa alaramma yankan rago a Kano

Gwamnatin Kano ta saki fursunoni 37

“Allah bai sa nayi masa komai ba ko zagin sa banyi ba balle duka. “San da suka fara fadan ina gurin amma na tafi gida daga baya,” a cewar ta.

A nata bangaren hukumar ‘yan sanda ta jihar Kano ta tabbatar da faruwar lamarin.

Mai magana da yawun hukumar ‘yan sandan Abdullahi Haruna Kiyawa ya ce tuni suka kama wadanda ake zargi da yin kisan.

Ya kuma ce sun samu wasu daga cikin kayan da ake zargin an satarwar marigayin da har takai ga an halaka shi.

Ya kara da cewa tuni kwamishinan ‘yan sanda ya nemi da a maida tuhumar babban sashen bincike dake bomfai don fadada bincike.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending