Connect with us

KANUN LABARAI

‘Yan sanda a Kano sun kama dan sahun da ya gudu da kayan fasinja

Published

on

Share

Mukhtar Yahya Usman

Rundunar ‘yan sandan jihar Kano ta kama wani dan Adai-daita sahu mai suna Sadik Hussaini da ya gudu da kayyan da fasinja ya dora masa.

Kano Focus ta ruwaito jami’in hulda da jama’a na rundunar yan saan jihar Kano Abdullahi Haruna Kiyawa ne ya sanar da hakan ga manema Labarai a ranar Litinin.

Kiyawa mai mukamin mataimakin sufurtandan yan sanda ya ce an basu labarin ana shiga da kaya wani gida a unuguwar Zawaciki da mazauna yankin basu yarda da sub a.

Kayan da ake zargin dan Sahun ya gudu da su sun hadar da fulawa buhu takwas,  da sauran kayan cefanen shagon sayar da kayan yau da kullun da suka hadarda omo madara da sauransu.

kiyawa ya ce suna samun labarinne rundunar yan sanda ta aike da jami’anta domin bincika zargin.

A cewarsa bayan dogon bincikene kuma aka gano kayan a cikin gidan da kuma aka tabbatar na satane.

Kiyawa ya ce tuni suka damke dan adai-daita sahun da ake zargi da kuma dukkanin wadan da ke da hannun a aikata barnar.

Da yake bayani kan yadda kayan nasa suka salwanta, mamallakin kayan Abubakar Abdullahi Alasan, mai shekaru 24 ya ce ya doro masa kayan ne daga kasuwar singa zuwa Unguwar Kakankare da ke karamar hukumar Ungogo.

Sai dai ya ce da suka taho hanya yana tsaya, ya kuma tabayeshi dalilinsa na tsayawa, sai kawai yayi masa dariya.

Abubakar ya ce bayan da suka zo Kofar Kabuga ne kuma sai ya nemeshi sama da kasa ya rasa.

“ Na doro masa kayanne tun daga kasuwar Singa zai kaimin Kankare nan kusa da Jami’ar Bayero.

“Sai dai muna tafiya ne  sai naga  yana tsayawa, idan nai masa Magana, sai kawai yayi dariya.

“Muna zuwa Kabuga na nemeshi na rasa, har na koma shagona na tambaya ko ankawo kaya, aka ce ba a kawoba, na koma har Singer ko ya dawo nan ma aka ce bai dawi ba.

“ Hakan ta sanya na barwa Allah na yi ta addu’a, da safe kawai sai ‘yan sanda suka kirani suka ce an kama wanda ya gudu da kayana.

Shi ma wanda ake zargi da karkatar da kayan Sadiq Hussani ya ce ya gudu da kayan ne bayan da ya lura mai shi bayan ganin sa.

Ya ce ya kai gidan yayarsa ne a Zawaciki ya boye kayan, da a nan ne kuma yan sanda suka yi bincike suka kamoshi.

Tuni dai rundunar yan sandan ta ce ta kammala bincike za kuma ta gurfanar da shi a gaban kotun domin ya girbi abin daya shuka.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending