Connect with us

KANUN LABARAI

Ranar bandaki: Yadda matsalar bandaki ke tagayyar dalibai mata a makarantun Kano

Published

on

Share

Aminu Abdullahi

A yayin da ake bikin ranar bandaki ta duniya a yau Alhamis, dalibai mata a nan Kano sun koka kan yadda suke shan bakar azaba a makarantunsu  na rashin kyawawan bandakuna.

A kewayen da jaridar Kano Focus ta gudanar a wasu makarantun jihar nan ta gano yadda dalibai mata ke tagayyara sakamakon rashin kyawawan bandakuna.

Wasu dalibai da muka zanta da su sunce ko kadan basa iya jurewa irin kazanta da halin ko in kula da ake nunawa bandakunan makarantun nasu.

Amina Muhammad Abdulkarim daliba ce dake karatu a wata makarantar sikandiren gwamnati a nan Kano ta ce a duk lokacin da za ta shiga bandakin makarantarsu hankalinta na matukar tashi.

Ta ce a nayi musu bahaya a kan daben bandaki, da kuma gefen masai, da hakan kesa gurin ya dinga  wari.

“Makaranta bata samarda masu tsaftace bandakunan ba, domin kuwa wasu lokutanma  daliban da suka yi laifi ne suke gyara bandakunan.

“Ko idan mutum yazo a makare sai a ce washe gari yazo da Omo da abin wanke badaki, duk kuwa sanda ba a samu wani mai laifi ba to haka bandakunan za su yi ta zama ba tsafta,” inji Amina.

A nata bangaren wata dalibai mai suna Halima Nasir Ahmad dake karatu a wata makaranta mai zaman kan ta ce duk da  cewa suna da mai kula da bandakuna a makarantarsu, amma galibin lokuta bandakunan kan kasance ba gyara.

Ta ce wani lokacin gandace ke sanyawa masu kula da bandakunan basa gyarawa, da hakan ke barazana ga lafiyar dalibai.

Ko haka abin yake a manyan makarantu?

Nazarin Kano Focus ya gano suma manyan makarantun jihar nan da suka hadar da jami’a da kwalejoji ba a barsu a baya ba wajen kazantar bandaki.

Aisha Adamu dake karatu a jami’a Bayero da ke nan Kano ta ce ko kadan lamuran bandakunan makarantar sai dai addu’a.

Ta ce wani lokacinma ko ta gefen bandakunan dalibi ba zai iya wucewa ba, balle ma ya shiga don biyan bukata.

Ta kara da cewa wani lokacin sukan zabi su tafi gidajen dalibai dake cikin makaranta idan sun matsu., koma su hakura su koma gida.

“Muna kai korafi gurin hukumar makaranta amma ba safai suke sawa a gyara ba.

“Bandakunan gidajen dalibai dake cikin makaranta da kewayenta ne ma suke da dan dama-dama  da yake su suke gyarawa da kansu,” a cewar ta.

Haka zalika wata daliba dake karatu a jami’ar Yusuf Maitama Sule Maimunatu Yusuf Musa ta ce a lokuta da dama mutum ba zai iya tsayawa na mintuna biyu ba a bandakunan jami’ar saboda kazanta.

Ta kara da cewa da yawan wasu daliban idan suka shiga bandaki sukan fito suna a mai koma zazzabi saboda yanayin bandaku nan nasu.

“A kwai dalibai da dama da suka kamu da cutuka na mata da sanyi saboda kazantar dake bandakunan.

“Kuma mafi akasari daliban dake shigowa daga waje ne sukafi batawa, bana cikin makaranta ba,” inji Maimuna.

Akwai hadari mai yawa

Da yake tsokaci kan al’amarin shugaban makarantar koyar da tsaftar muhali ta jihar Kano Malam Bashir Yahya Getso ya ce mata ka iya kamuwa da cutar amai da gudawa da  ciwon sanyi saboda rashin tsaftar bandaki.

Ya ce ya zama wajibi a dinga tsaftace bandakunan dalibai domin kare su daga kamuwa da cututtukan dake da alaka da rashin tsafta.

Ko me hukuma ke?

A nasa bangaren sarkin tsaftar Kano Alhaji Jafaru Gwarzo ya ce suna sane da yadda wasu makarantun ke gaza tsaftace bandakunan dalibai.

Ya ce hakan tasa suka tura malaman tsafta a kowwace makaranta dan lura da tsaftar makarantun.

“Bamu da masaniyar makarantun da basuda bandakuna, amma matukar munsani to zamu sanarwa da ma’aikatar ilimi don a gina musu bandakuna,” a cewar sa.

Ya kuma ce tuni suka kafa kwamiti dake zagayawa makarantu don tabbatar da tsaftar bandakunan su.

Yana mai cewa matukar suka samu wata makarantar da laifin kin tsaftace bandaki to zasu hukuntata.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending