Connect with us

KANUN LABARAI

Makafi da guragu za su tsaya takarar chairman da kansila a Kano

Published

on

Share

Aminu Abdullah

Masu bukata ta musamman da suka hadar da guragu da makafi  ne suka bayyana aniyarsu ta tsayawa takarar chairman da kansila a zaben kananan hukumomi da ke tafe.

Kano Focus ta ruwaito cewa duk da irin kalubalen da suke fuskanta na rayuwa amma sunce bana suma sai an dama da su.

A tattaunawar jaridar Kano Focus da shugaban kungiyar masu bukata ta musamman a nan Kano malam Musa Muhammad Shaga, ya ce akwai nau’ikan masu bukata ta musaman da za su shiga zabe a fafata da su.

Malam Shaga ya ce Jamilu Ali Haruna da ke takarar shugabancin karamar hukumar Bunkure makahone da kuma tuni ya siyi takardar tsayawa takara.

Haka kuma akwai Adamu Ibrahim Maikoriya da yake ta karar Kansila a unguwar Sani Mainagge dake karamar hukumar Gwale da shima makaho ne.

Yace dukkan ‘yan takarar sun riga sun sayi takardar tsayawa takara kamar yadda doka ta tanada, kawai suna jiran a shiga zabe ne.

A cewar sa rabon da a samu wani mai bukata ta musamman ya shiga zaben tun lokaci da wani gurgu Malam Kabiru Ado Yakasai ya tsaya takarar shugabancin karamar hukuma Nasarawa kuma bai Nasara ba.

Ya ce al’umma sun yadda dashi amma sakamakon rashin iyayen gida haka aka kwace takarar daga hannun sa tare da yi masa alkawarin mukami mai tsoka.

Sai dai bayan da aka ci zabe ko mukamin masinja bai samu ba.

Rashin goyon baya

Malam Shaga yace duk da irin kokarin da masu bukata ta musamman ke yi wajen nuna kansu amma basa samun goyon bayan al’umma.

Ya ce sukan zama abin kallo ko ayi musu dariya ko kyara duk lokacin da suka nuna sha’awar su ta shiga al’amuran siyasa a dama dasu.

“Rashin gwadamu shi yasa mutane suke ganin kamar ba za mu iya ba amma matukar aka bamu dama zamu bada mamaki.

“Tsohon gwamnan jihar Nasarawa Tanko Almakura naga shima wakili ne a cikin kungiyar masu bukata ta musamman ta kasa domin yana fama da lalurar ji.

“Kuma kowa yaga irin kokarin da yayi wajen samun ‘yancin masu bukata ta musamman,” a cewar sa.

 

A don hakan ne ya bukaci al’umma da su dinga zabar masu bukata ta musamman domin suma su nuna tasu kwarewar

Za a basu Fom din takara kyauta

A nasa bangaren shugaban hukumar zabe ta jihar Kano farfesa Garba Ibrahim Sheka ya ce fom din takara kyautane ga duk mai bukata ta musamman.

Sheka ya ce matukar jami’iyyu suka kawo su a matsayin wanda suka ci zaben cikin gida to hukumar za ta basu takarda tsayawa takara kyauta.

Ya ce hukumar tana siyar da takardar tsayawa takarar shugaban karamar hukuma akan N250,000  yayin da kuma takardar tsayawa takarar kasila take siyarwa akan N150,000.

Sai dai ta ce matukar aka kawo su a mtsayin wadanda aka tantance to za ta basu kyauta.

A cewarsa hukumar ta yi hakanne domin ta karfafawa masu bukata ta musamman gwiwa don ganin ana damawa dasu a cikin harkokin siyasa.

Continue Reading
Click to comment

Leave a Reply

Your email address will not be published. Required fields are marked *

KANUN LABARAI

Darakta Ashiru Nagoma ya samu lafiya

Published

on

Share

Mukhtar Yahya Usman

Fitaccen darktan shirya fina-finan Hausa Ashiru Nagoma ya fito daga Asibiti bayan da likitoci suka tabbatar da samun lafiyarsa.

Kano Focus ta ruwaito an sallamo shi daga asibitin ne da yammacin yau Alhamis.

Idan za a iya tunawa dai tun a ranar 14 ga watan Janairu ne ‘yan uwansa da kuma kungiyar Fauziyya D Sulaiman suka kai shi asibiti, bayan anyi zarigin yana da tabun hankali.

Rahotannin sunyi nuni dacewa Nagoma ya shafe kimanin shekaru goma yana dauke da cutar tabin hankali.

Ko da yake al’umma da dama na ganin ba cutar tabin hankali ke damunsaba illa ta damuwa, ciki kuwa har da ‘yan uwansa.

Haka zalika makwanni shida ke nan kungiyar jin kai ta Fauziyya D Sulaiman da hadin gwiwar ‘yan uwansa suka garzaya dashi asibiti domin duba lafiyarsa.

Acewar dan uwa ga darktan Kabiru Abubakar Yusuf, Ashiru Nagoma ya samu lafiya sumul har ma an sallamoshi daga asibiti.

Kabiru Abubakar ya kuma mika godiyarsa ga dukkanin wadanda suka tallafa wajen samun lafiyar tasa, musamman Fauziyya D Sulaiman da kuma rukunnan Abokanansa Baki daya.

Haka zalika ya ce suna godewa duk wanda ya tallafa musu da addua wajen ganin dan uwan na su ya samu lafiya.

Continue Reading

KANUN LABARAI

NAFDAC ta kone jabun kayayyaki na milyan 600 a Kano

Published

on

Share

Aminu Abdullahi

Hukumar lura da ingancin abinci da magunguna ta kasa (NAFDAC) to kone gurbatattun kayayyaki na sama da naira miliyan 600.

Kano Focus ta ruwaito cewa an gudanar da kone kayayyakin ne ranar Alhamis  a garin Hawan Kalewawa dake karamar hukumar Dawakin Tofa a nan Kano .

Da yake jawabi yayin kaddamar da aikin, daraktan hukumar shiyyar arewa maso yamma Dauda Gimba ya ce kayayyakin da aka kone sun hada da wandanda basu da rijista da kuma jabun kayayyaki da aka kamasu a jihar Kano da Kaduna.

Haka kuma wasunsu an an kama ne a jihohin Jigawa Katsina.

Sokoto da Zamfara sai jihar Kebbi.

Ya ce anyi hakanne don a tabbatar da cewa kayayyakin basu koma kasuwa ba don kar wasu su sake siyan su.

Ya kuma ce sun zabis u kone kayayyakin ne a jihar Kano sakamakon a nanne aka fi samun gurbatattun kayayyakin da ake siyarwa al’umma.

Ya ce al’umma su tabbatar da cewa duk abinda za su siya yana dauke da shaidair hukumar NAFDAC don gujewa yin amfani da abinda zai cutar da lafiyar su.

Continue Reading

KANUN LABARAI

Tuhumar Abduljabbar za a yi ba mukabala ba-Sheikh Ibrahim Khali

Published

on

Share

Aminu Abdullahi

Shugaban majalisar malamai ta jihar Kano Malam Ibrahim Khalil ya ce za a tuhumi Abduljabbar Kabara ne kan abubuwan da yake furtawa amma ba mukabala za a yi da shi ba.

Kano Focus ta ruwaito cewa malamin ya bayyana hakane a ranar Alhamis ya yin da yake zantawa da manema labarai.

Ya ce za a zauna da shi ne a tuhume shi kan irin fatawoyin da yake bayarwa sabanin yadda mutane ke zaton cewa mukabala za ayi.

“Idan aka kira shi mukabala an canja masa ma’ana mutane suna cewa mukabala-mukabala, ba mukabala ba ce tuhuma ce.

“Tuhumar ita ce, ka ce abu kaza da kaza, to waye ya yi wannan bayanin a malamai, kamar yadda ka yi shi, a malamai na Musulunci waye kuma ya yi wannan fasarar da ka yi shi.

Ita kuwa mukabala ita ce kai kana cewa kaza wancan yana cewa kaza to sai a zo a zauna tsakanin naka da nasa wanne ne ya fi, shi ne za a yi mukabala, don a ga wanda nasa ne ya fi zama dai-dai,” a cewar sa.

Ya kara da cewa an dade ana kawo rigingimu daban-daban na fahimtar addini a jihar Kano amma ba a taba ganin irin fahimtar da Abduljabbar ya zo da ita ba.

Ya ce shi kansa mahaifinsa Malam Nasiru Kabara, bai taba hawa irin wannan turbar da ‘dan nasa ya hau ba.

Continue Reading

Trending